செய்தித்துளிகள் அக். 2010

 தமிழக வணிக வரித்துறை அமைச்சர் உபாயத்துல்லா மகன் சாந்தி உசேன் (40) உடல் நலக்குறைவு காரணமாக காலமானார்.

  ஊட்டியில் பலத்த மழை பெய்தபோது தொட்டபெட்டா சிகரத்தை மின்னல் தாக்கியது. இதில் அந்த கட்டிடம் சேதம் அடைந்தது. தமிழகத்தின் பல்வேறுஇடங்களில் மின்னல் தாக்கி 3 பெண்கள் உள்பட 8 பேர் பலியாகியுள்ளனர்

 ஆப்கன் போர் தொடர்பான மீதம் உள்ள ஆவணங்களை வெளியிட வேண்டாம் என்றும், அவற்றை தங்களிடம் ஒப்படைக்க வேண்டும் என்றும்   விக்கிலீக்ஸ் நிர்வாகத்திடம் அமெரிக்க பாதுகாப்புத்துறை பகிரங்கமாக கேட்டுக்கொண்டது. ஆனாலும், அந்த ஆவணங்களை வெளியிடப்போவதாக  விக்கிலீக்ஸ் இணையதளம் அறிவித்துள்ளது.

  "ராஜீவ்காந்தி சிலை அவமதிப்புக்கும் எங்களுக்கும் தொடர்பு இல்லை" என்று கா‌ங்‌கிர‌ஸ் க‌ட்‌சி‌த் தலைவ‌ர் சோனியா காந்திக்கு ‌விடுதலை ‌சிறு‌த்தைக‌ள் க‌ட்‌சி‌த் தலைவ‌ர் தொல்.திருமாவளவன் கடிதம் எழுதியுள்ளார்.         

  இராக் போர் குறித்த ரகசிய ஆவணங்களை வெளியிட்ட விக்கிலீக்ஸ் இணையதள நிறுவனர் ஜூலியன் பால் அசான்ஜ் (39), தலைமறைவாக வாழ்ந்து வருகிறார். அமெரிக்காவின் நிர்ப்பந்தம் காரணமாக, ஆஸ்திரேலியாவைச் சேர்ந்த இவர் எந்நேரமும் கைது செய்யப்படலாம் என்று கூறப்படுகிறது. எனவே, ஆள்மாறாட்டத்தில் ஊர் ஊராகச் சுற்றி வருகிறார்.

 ஜம்மு காஷ்மீர் மாநிலம் ஒருபோதும் இந்தியாவின் ஒருங்கிணைந்த பகுதியாக இருக்கவில்லை'' எ‌ன்று பிரபல எழுத்தாளரும், சமூக ஆர்வலருமான அருந்ததி ராய் தெரிவித்து‌ள்ளா‌ர்.

 32 மீனவர்கள், 6 விசைப்படகுகளில் கடந்த ஜூலை மாத்தில் சவுதி கடல் பகுதியில் மீன்பிடித்துக் கொண்டிருந்த போது கத்தார் நாட்டு கடல் எல்லைக்குள் தவறுதலாக நுழைந்து மீன் பிடித்த காரணத்துக்காக தமிழக மீனவர்களுக்கு கத்தார் நீதிமன்றம் இரண்டாண்டு கால சிறைத்தண்டனையை விதித்துள்ளது.  

குஜராத்தில் சமீபத்தில் நடைபெற்ற உள்ளாட்சித் தேர்தலில் பாஜக சார்பில் போட்டியிட்ட 100-க்கும் மேற்பட்ட முஸ்லிம் வேட்பாளர்கள் வெற்றி பெற்றுள்ளதாகவும் இந்த முறை சிறுபான்மையினரும் பெருமளவில் பாஜகவுக்கு வாக்களித்து இருப்பதாகவும் அந்த மாநில முதல்வர் நரேந்திர மோடி தெரிவித்தார்.

தனியார் பள்ளிகளுக்கான கல்விக் கட்டண நிர்ணயக் குழுவின் தலைவர் பதவியிலிருந்து நீதிபதி கோவிந்தராஜன் திடீரென ராஜிநாமா செய்துள்ளார்.

கோவிந்தராஜன் குழு நிர்ணயித்த கல்விக் கட்டணம் இணைய தளத்தில் வெளியிடப்பட்டுள்ளது. இதனை தமிழக அரசின் இணையதளமான www.tn.gov.in என்ற முகவரியில் காணலாம்.

வெளிநாடுகளில் போய் கருப்புப் பணத்தை குவிக்கும் செயலைத் தடுக்க, நாட்டின் வரிவிதிப்பு முறையில் சீர்திருத்தங்கள் செய்யப்பட வேண்டும் என்று கோரியுள்ளார் தி.க. தலைவர் கி.வீரமணி

ஒசாமா பின்லேடன்  பாகிஸ்தானின் உளவு அமைப்பான ஐஎஸ்ஐ பாதுகாப்புடன் பாகிஸ்தானின் வட கிழக்குப் பகுதியில் வசிப்பதாக ஆப்கானிஸ்தானில் உள்ள நேட்டோ படையின் மூத்த ராணுவ தலைவரை மேற்கோள் காட்டி அமெரிக்காவிலிருந்து வெளியாகும் சிஎன்என் செய்தி வெளியிட்டுள்ளது.

ஒசாமா பின்லேடன் பதுங்கியிருக்கும் இடம் குறித்து அமெரிக்காவிடம் எந்தத் தகவலும் இல்லை என்று அந்த நாட்டின் ராணுவ தலைமையகமான பென்டகன் அறிவித்துள்ளது.

பள்ளிகளுக்கு நீதிபதி கோவிந்தராஜன் குழு நிர்ணயித்த கட்டண விவரத்தை அரசின் இணையதளத்தில் உடனடியாக வெளியிடாவிட்டால் அரசை எதிர்த்து வழக்கு தொடரப்படும் என்று அரசுக்கு வக்கீல் நோட்டீஸ், பொதுப் பள்ளிக்கான மாநில மேடை என்ற அமைப்பின் பொதுச் செயலர் பிரின்ஸ் கஜேந்திரபாபு அனுப்பியுள்ளார்.

சென்னையில் வருமான வரித்துறை அதிகாரி போல நடித்து, ஓய்வு பெற்ற அரசு அதிகாரி வீட்டில் நகை, பணத்தைப் பறித்த சட்டப்பேரவை முன்னாள்  உறுப்பினர் ரவிசங்கர் பொது மக்களிடம் சிக்கினார். அவரை போலீஸார் கைது செய்தனர்.

புதுதில்லி, அக். 20: காமன்வெல்த் ஊழலில் என்னை அரசியல் பலிகடாவாக ஆக்கிவிட்டார்கள் என தொழிலதிபரும் பாஜக பிரமுகருமான சுதன்ஷு மிட்டல் குற்றம்சாட்டியிருக்கிறார். தன்மீதான ஊழல் புகார்களையும அவர் மறுத்திருக்கிறார். காமன்வெல்த் விளையாட்டு திட்டங்களில் 8 ஆயிரம் கோடிக்கு முறைகேடு நடந்துள்ளதாக மத்திய ஊழல் கண்காணிப்பு ஆணையம் கண்டறிந்துள்ளது.