அபு கிரைப் சிறை வன்கொடுமைக்கு நஷ்டஈடு கொடுத்ததாக கணக்கே இல்லை - அமெரிக்கா

மேலும் இவர்களின் தேடுதலில் இதற்கு முன்னர் கொடுக்கப்பட்ட நஷ்டஈடு தொகை பற்றிய கணக்குகள்  எதுவும் கிடைக்கவில்லை என்றும் ஒருவேளை அவை ஈராக்கின் தலைவர்கள் மூலம் கொடுக்கப்பட்டிருக்கலாம் என்று கருதுவதாகவும் தெரிவித்தனர்.

ஈராக் மற்றும் ஆப்கன் போர்களில் உயிரிழந்த, காயமடைந்த மற்றும் சொத்துக்களை இழந்தவர்களுக்கு 30.9 மில்லியன் அமெரிக்கா டாலர்கள் 2003 முதல் 2006 வரையான நிதியாண்டுகளில் கொடுத்துள்ளதாக அமெரிக்கா பாதுகாப்புத்துறை தெரிவிக்கின்றது. ஆனால் அபு கிரைப் சிறையில் வன்கொடுமை செய்யப்பட்ட போர் கைதிகள் இதிலிருந்து எவ்வித நஷ்டஈடும் பெற்றதாக தகவல் இல்லை என்று இராணுவம் கண்டுபிடித்துள்ளது.

ஜார்ஜ் புஷ்ஷின் ஆட்சியில் அமெரிக்காவிற்கு ஏற்பட்ட இந்த உலகமறிந்த அசிங்கம் நஷ்டஈடு கொடுக்கப்படாமல் இப்போது நீதிமன்றத்திலுள்ளது. அங்கு நடைபெறும் வாதங்கள் இழுத்தடிக்கப்பட்ட ஈராக் போரை நினைவுபடுத்துவதாக உள்ளதாக அரசியல் விமர்சகர்கள் கூறுகின்றனர்.

நீதிமன்றத்தில் வழக்கு தொடுத்துள்ள முன்னாள் போர் கைதிகள் அதிகமானோர் அபு கிரைப் சிறையிலும் எஞ்சிய சிலர் அப்போது ஈராக்கிலிருந்த தற்காலிக சிறைகளில் இருந்ததாகவும், தங்களின் மீது எவ்வித குற்றமும் சுமத்தப்படாமல் சிறைபிடிக்கப்பட்டு இப்போது விடுவிக்கப்பட்டதாகவும் தெரிவித்தனர். மேலும் பொதுமக்களிடம் விசாரணை செய்ய நியமிக்கப்பட்ட அதிகாரிகள் இராணுவ வீரர்களுடன் சேர்ந்து செய்த சதிதான் நடந்தேறிய வன்கொடுமைகள் என்றும் அவர்கள் கூறினார்கள்.